ævintýri...

sunnudagur, desember 19, 2004:

Sunnudagur 19 desember 2004 - Morgunblaðið
Fiskar (19 feb - 20 mars)
"Gerðu ferðaáætlanir fyrir framtíðina núna. Verkefni tengd útgáfu, fjölmiðlun, framhaldsmenntun og ferðalögum ganga vel og þú nýtur góðs af reynslu annarra."

já. dagurinn fyrir próf er alltaf besti dagurinn til að skipuleggja framtíð sína.

maria // 5:02 f.h.
______________________

laugardagur, desember 18, 2004:

stundum getur verið sársaukafullt að horfa á sjónvarp. sérstaklega eins og í kvöld þegar það er ljótt að hlæja - en of neyðarlegt að horfa.
hr. ísland er sjónvarpsefni sem verður að deila með öðrum.
annars fríkar maður bara út. nú eða slekkur.
það tók stúlkuna 20 mínútur. þetta var bara of fríkað til að vera að gerast - í beinni útsendingu!

stúlkan hélt með eina manninum sem gat labbað með hendur niður með síðum og hélt takti í annars tragísku dansatriði drengjanna. það þótti henni hetjulegt að geta gert með bros á vör en ekki þjáningarsvip/grettu. þar að auki heitir hann garpur. karlmannlegra nafn finnst ekki. hann er hr. ísland stúlkunnar, alveg sama hvað bjössa í world class finnst.

maria // 3:44 f.h.
______________________

föstudagur, desember 17, 2004:

það er gott að vita að á íslandi er ekkert verið að tvínóna við hlutina.
heill sé þeim sem verndar oss og vaktar úr ráðuneyti sínu, skapar okkur löggjöf sem hvert réttarríki væri stolt af, en er umfram allt - málefnalegur.
annað væri ómálefnalegt.
þessi útlendingur getur bara flutt aftur heim til sín - á að vita betur en að verða ástfanginn á íslandi áður en hann verður 24 ára.
þessir útlendingar sko! alveg cureisí!

ætli e-r hugsi um okkur íslendinga að vont sé þeirra ranglæti, en verra þeirra réttlæti?

maria // 3:15 e.h.
______________________

fimmtudagur, desember 16, 2004:

íslenskt skáklíf mun brátt sjálfbirtast sbr. kenningu maslows um þarfapýramídann bráðlega - þ.e.a.s. ef bobby kemur heim. þessi elska.
íslendingar spila sko enga sikileyjarvörn þegar kemur að skáklífi landans.
prost vinur! eða eins og við segjum á íslandi - bermúdaskál!!

maria // 2:59 f.h.
______________________

miðvikudagur, desember 15, 2004:

síðustu færslu hefur verið eytt af ýmsum ástæðum.
(fyrst og fremst þó væntanlegrar ræðu prinsessumóður sem mun fjalla að mestu leyti um virðingu fyrir sjálfum sér og öðrum í ljósi þess að við sköpum okkar eigið svigrúm í lífinu. óumdeilanlega hefur konan almennt rétt fyrir sér.)
efnislegt inntak hinnar eyddu færslu var þetta: það er ekkert eins gleðilegt og óvæntar uppákomur sem gleðja.
þær sem ekki gleðja eru hins vegar ömurlegar.

maria // 4:21 f.h.
______________________

laugardagur, desember 11, 2004:

manninum á vídeoleigunni finnst l-word búið að þynnast allverulega. stúlkan er ekki alveg sammála þó hún sakni lesbíska karlmannsins sem var meiri dramadrottning er stúlkan og krónprinsessan samanlagt á sunnudagseftirmiðdegi með hjartslátt eftir helgina - á leið í nýtt líf, strax á mánudegi! video-kallinum fannst vanta meira kynlíf í þættina.
þau vorum hins vegar alveg sammála um að flashdance sé stórkostleg framlag til lista- og menningalífs hins vestræna heims.
stúlkan leggur hérmeð til að yasmine hætti að kenna e-n hallærislegan breik-dans og fari aftur í ræturnar. stúlkan mun vera fyrst að skrá sig á flashdance-námskeið í laugum(að því gefnu að eingöngu verið notast við orginal tónlist og búninga.) fléttað svitaband og pallborðsumræður með richard scobie fylgja frítt með námskeiðinu.
fara með þetta alla leið eða sleppa því.

maria // 4:57 e.h.
______________________

föstudagur, desember 10, 2004:

það bætist við fólk í þennan heim á hverjum degi.
stúlkan verður sérstaklega glöð þegar fólk sem henni þykir vænt um bætir við fólki sem stúlkunni getur þótt vænt um. henni hlýnar í hjartanu við tilhugsunina.
þegar stúlkan verður frísk ætlar hún að fara að knúsa börn - en bara þau sem hún þekkir eða þykir vænt um, annað býður uppá misskilning.
sem betur fer á hún nokkur svo hún þarf ekki að drífa í að eignast eitt sjálf.

maria // 1:59 f.h.
______________________

þriðjudagur, desember 07, 2004:

stúlkunni var bent á að tími væri kominn til þess að poppa upp útlit þessa vefhluta fríríkis krónprinsessunnar. þar að auki var ýjað að því að útlit stúlkunnar væri vont, í merkingunni "voðalega lítur þú illa út, stúlka!!!!" OG að hún væri orðin bordeline leiðinleg í ljósi fárra ævintýra krónprinsessunnar.
stúlkan (sem er orðin svo víðsýn og þroskuð) tók þessari harðsvíruðu gagnrýni með stökustu ró, blandaði sér malt og appelsín (það allrasterkasta sem hún má drekka) og hugsaði málið.
niðurstaðan er þessi: bite me.

rökstuðningur fylgir hér til þess að forðast frekari úrvinnslu málsins innan stjórnsýslunnar.
varðandi útlit þessa vefhluta heimsins: lúkkið er upphaflegt/orginal, enda hefur stúlkan ekki látið glepjast af tískubylgjum vefheima og haldið sig við einfalt, en elegant útlit (óháð pólítískri afstöðu litarins). nr. 2.: vintage is back. þess vegna er gamalt útlit síðunnar ekki bara töff - heldur í tísku. og þegar það dettur úr tísku þá verður það verðmætt því antík er klassísk - líka á netinu. þeir sem eru ósammála - ja, þeir verði bara að eiga það við síns eigins spegilmynd.
varðandi útlit stúlkunnar er svar hennar þetta: ég er veik. fífl.
varðandi þverrandi ævintýri krónprinsessunnar verður fallist á að ævintýrin séu fá og ómerkileg. hvort það sé gott eða vont er álitamál. stúlkan saknar samt krónprinsessunar ógurlega mikið.

maria // 3:17 e.h.
______________________

fimmtudagur, desember 02, 2004:

Ég hef dregið mig í hlé sem manneskja og mun hér eftir lifa sem týpa. kvót í þg
orð í tíma töluð.
maðurinn er væntalega snillingur.

annar snillingur á afmæli á fullveldisdaginn - í dag/gær. sá maður hefur getið af sér krónprinsessu (sem einnig er stúlka) og getur því með sönnu kallast kóngur, enda væri annað rangnefni.

það þarf sannkallaðan pr-snilling til þess að gera damage-control hjá plötukaupendum þessara jóla eftir pr-flopp vikunnar: prímadonnustælana sem hetjutenór íslands opinberaði í kastljósinu í kvöld. gúdd lökk að fá metall-spreyjaða plötu milli jóla og nýjárs eftir þessa frammistöðu, alveg sama hversu poppuð og sniðug þessi plata verður. bróðir hans á eftir að rústa honum í sölutölum. nema að e-r komi og kaupi kristjáns-plötuna fyrir miljón krónur.... pæling.

maria // 1:44 f.h.
______________________