ævintýri...

mánudagur, janúar 29, 2007:

hér má finna lista sem getur komið sér vel fyrir þá sem eru að leita að nafni fyrir stráka sem eru ekki fæddir.

það er allavega búið að útiloka nokkur nöfn nú þegar.

er hilaríus ekki óheppilegt nafn ef við myndum búa í enskumælandi landi? eða bara þekkja e-n sem kann ensku?

dómvald býður uppá allskonar grín í grím geitskó ef hann veldi að fara í laganám eins og foreldrarnir. hins vegar vænlegt nafn fyrir héraðs- eða hæstaréttardómara.

gyrðir er heppilegast sem fyrra nafn, eða bara eitt. allavega ekki sem seinna nafn. gottskálk gyrðir ....hvern? aðeins of margir brandarar í boði þar.

svo verður passað uppá að ekki verði overkill í nafninu: nafnið júlíus ágúst hefur td. meira á móti sér en með.

já já nota bara útilokunaraðferðina, núna eru ekki nema nokkur hundruð nöfn eftir í pottinum!

maria // 5:04 e.h.
______________________

fimmtudagur, janúar 18, 2007:

fótboltaperlan er í sókninni fyrir konur.
hún gerir okkur svo stolt.

maria // 2:02 e.h.
______________________

miðvikudagur, janúar 10, 2007:

mont pelerin samtökin eru alþjóðleg samtök manna sem aðhyllast mikla hægrimennsku, vilja takmarka afskipti ríkisins sem allra allra mest og halda ráðstefnur árlega til þess að halda boðskapinum á lofti. svona í stuttu máli amk. íslendingar sem eru aðilar að samtökunum eru meðal annars frjálshyggju-orri og hannes hólmsteinn.
í bókinni matreiðslubók íslenska lýðveldisins eru raktar uppskriftir þeirra rétta sem bornir hafa verið á borð fyrir hina ýmsu erlendu gesti ríkisins. mér fannst hrikalega fyndið að sjá matseðilinn frá því þegar forsætisráðherrann bauð allri mont pelerlin ráðstefnunni sem haldin var á íslandi árið 2005 í mat í ráðherrabústaðinum. ég er nokkuð viss um að það hafi ekki verið rukkaður aðgöngueyrir við dyrnar. einhvertíma var rætt um hvaða hádegismatur væri ókeypis....
fyndið hvernig hugsjónir víkja oft fyrir smart boðskortum. líka hjá monturum.

maria // 3:32 e.h.
______________________

mánudagur, janúar 08, 2007:

við 3ji byrjuðum aftur í meðgöngujóga í dag.

á móti okkur tók ráðherra í stuttbuxum löðursveittur á hlaupabretti og tvær mjög rúmlega miðaldra í gegnsæjum leggings.

okkur finnst best að vera bara í stóru herbergi með fullt að öðrum konum og ófæddum krökkum og "anda með maganum til þess að næra barnið", leggja okkur í slökuninni og finnast við hrikalegir massar þegar við komum úr "ræktinni".

maria // 11:38 e.h.
______________________